قصيدة في الـــتــقـــاعـــــد

17-06-2011, 06:35 AM

الـــتــقـــاعـــــد

ليت منهو وقع اوراق التقاعد****** والاداره وافـقـت والهــم زاحــــي

استلم كامل حقوقه والعوايد******* سلم العهـده وغادر واسـتراحــي

مانتظر حفلن توزع به شهايد ******* وصـور تذكـار مافيـهـا صلاحـــــي

اكتبواله نشكرك خدمتك واجد *********ونـتــمنى لك بدنيــاك النجاحــي

صار من عقب ارتباطه يابوماجد ******حـر مثـل الطيـر كفــاخ الجنـاحـي

ماحداه الزام عن بعض المقاصد *******لانــوى له ديــرة شــغل وراحـي

واصلن غاليه ولربعه معايــــد *******في اعياد الفطر واعياد الاضاحــي

لا زمه يقضيه وبكيفه يواعـــــد *******ما يراجـع ريسـه يبغى السماحـي

لا اشتهى يرقد تخير بالوسايد ******وان سهر ما هوجس بزام الصباحي

والهدف عند العرب ماهو بواحد ******كل رجـل له مـرام وله مشـاحـــي

من يبي يقنص عساه يعود فايد *****فيه بالمقنـاص رزق وانشــراحـــي

لاذكر في صحصح نزل وطرايـد ********قال هـيا مايقـول الصيـد نــاحـي

ومن تنيشط حالته جدد بناهـد *********ما فهـق لجـازته عقـد النـكاحــي

وكان حاله ماش والا ما يساعد ********ينسـدح ويكثـر مـن الانسـداحــي

وكان شفه بالسفر ماهو بناشد ********في بـلاد الله مع السـياح ساحــي

وخيرهم من كان في دنياه زاهد *******يطلب الله بالثـبـات وبالصـلاحــــي

بين مكة والمدينة والمساجــــد ********دايـم دربـه عسى دربـه سـماحـي

قايم بالليل للرحمن ساجـــــد *********وكل ما نـادى المنـادي للفـلاحــي

قلتها وانا اعرف ارضاء الناس كايد***ولاني بفارض على الناس اقتراحي

والوظايف جمعت شتى البدايـــــد *****من جميع النـاس مجنون وصاحـي

فيهم الطيب عزيز النفس راكـــــد *******عل يفـدونه مشافيـح شحاحـــي

وفيهم الانـذال والرديــان تاجـد*********ـ خمـة دايـم سوالفهم صيـاحــــي

والحظيظ اللي يبي يطلع تقاعــد ********دام به قـوة وقبل يقــال طـاحــــي

17-06-2011, 06:38 AM

ابن الديره
صح لسان شاعرها وسلمت يد ناقلها

قصيده من القلب الله يعطيكم العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري